Alma özenine 12 yaşındaki bala battı – memurğa nisbeten üküm çıqarıldı

25.03.201712:50

Bağçasaray rayon mahkemesi «Krımmelivodhoz» müessisesi rayon bölüginiñ sabıq müdirine nisbeten üküm çıqardı. Prokuratura tarafından taqdim etilgen malümatqa binaen, o, muqaytsızlıqtan adam ölüminiñ sebebi olğan emallıqnen qabaatlı tanıldı, dep bildire Qırım prokuraturasınıñ matbuat hızmeti.

«Belgilendi ki, qabaatlı kişi Alma özenindeki suv ağzında mahsus qora olmayıp çalışqan gidrotehnikiy inşaatnıñ havfsız işletilüvini teminlemedi, o yerge 12 yaşındaki bala yıqıldı ve elâk oldı», – dep aytıla beyanatta.

Qabaatlı kişi zararlanğanlar ile dostlaşqanı ve onıñ tarafından orta seviyeli cinayet ilk sefer yapılğanı köz ögüne alınıp, mahkeme cinaiy işni toqtattı ve 100 biñ ruble miqdarında mahkeme cöremesini belgiledi, dep qayd eteler müessisede.

Cinaiy işniñ taqiq etilüvi çerçivesinde gidrotehnikiy inşaat, suv ağzında qoruğan qora qoyulıp, tamir etildi, dep qoştılar mahkemede.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция Avdet

Avdet gazetası