Hırvatistanda Qırım futbol mühlisleri yaqalandı

25.03.20179:40

Zagrebde (Hırvatistan) «Tavriya» ve «Sevastopol» Qırım futbol klublarınıñ mühlisleri Rusiye elçiligi yanında aktsiya keçirgenleri içün yaqalandı.

Bu aqta mühlislerden biri, faal Maksim Kitsük Facebook saifesinde yaza.

Bildirilgen malümatqa binaen, futbol mühlisleri bir qaç ukrain bayrağını açıp, şiarlarını bildire edi: «Qırım – bu Ukraina». «Tavriya» ve «Sevastopol» Qırım futbol klublarınıñ mühlisleri Zagreb şeerine Ukraina cıyma taqımına mart 24-te keçirilgen avropalı Dünya Çempionatı-2018 Hırvatistan taqımı ile matçında destek köstermek içün keldi.

2016 senesi avgust ayından başlap Ukrainanıñ qıtaiy qısmında Qırım Futbol federatsiyası yañıdan çalışıp başladı. Aqmescitli (Simferopol) «Tavriya» futbol klubu 2016 senesi aveskârlar arasında Ukraina Çempionatına kirsetildi. Taqımıñ baş idmancısı Sergey (Yakovleviç) Şevçenko, klub reisi ise, Sergey Kunitsin oldı, dep bildire «Qırım.Aqiqat».

Avdetniñ evel bildirgenine köre, Avropa futbol assotsiatsiyaları birligi (UEFA) Qırımda futbol inkişafına €1 million ayırdı.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция Avdet

Avdet gazetası