2017 senesi mart 29-da musulmanlar içün muqaddes üç ay (halqta «üç aylar» dep aytıla) başlana.
Bu müddet devamında musulmanlar daa çoq orazalı ola, namaz qıla, Quran oquy, hayırlı işler yapa ve Allahtan afu soray, dep bildire Qırım müftiyatınıñ matbuat hızmeti.
Üç aylarnıñ birincisi – Receb (Racab) ayıdır. Bu ay, tövbe ve ibadet ayıdır, nevbetteki ay – Şabandır – sevgi ve Allahqa hızmet etüv ayı, üçünci ve eñ müim ay – Ramazan – Allahqa yaqınlaşuv ayıdır.
Allahnıñ razılığını qazanmaq içün, bu aylar devamında musulman kişi islâm dinini ögrenüv, Quran ayetleri ve sürelerini oquv ve ezberlevge daa çoq vaqıt ayırmalı, farz olunğan namazlarnı vaqtında qılmalı, nafile namazlarını daa çoq qılmalı, oraza tutmalı, sadaqa bermeli, soy-soplarına ve faqırlarğa yardım etip, hayırlı işler yapmalı.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
