Mart 25-te «Totayçıqlar» klubunıñ talebeleri, ocaları ve balalarnıñ ana-babaları «Açıq yürekler» qırımtatar göñüllileri taqımı tarafından teşkil etilgen «Balalarnıñ ellerinen eyilik» hayriye master-klassında iştirak etti.
«Totayçıqlar» elnen yapılğan işlerini satıp, neticede hasta balalarğa 5 biñ 100 rubleni teslim etti.
Balalar büyük istek ile hayriye aktsiyasında iştirak etti.
«Bala böyle merasimlerniñ müimligini balalıqtan añlamağa başlasa, ne güzeldir, çünki bala hayırlı işler yapmağa ve birine acınmağa balalıqtan ögrenmeli», – dep ayttı aktsiya iştirakçisi.
Qırımtatar göñüllileriniñ bildirgenlerine köre, hayriye merasiminde rekord miqdarda para cıyıldı – 83 050 ruble. Bütün para ilâc satın alınması, tedaviylevge teslim etilecek.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
