Mart 26-da aqşam Qırımnıñ Qurman (Krasnogvardeyskoye) rayonında yengil maşna ve reys avtobusınıñ iştiragi ile qaza yüz berdi. Neticede 10 adam zararlandı.
Yol areketi havfsızlığı devlet inspektsiyasınıñ (YAHDİ) malümatına binaen, qaza saat 18:25-te yüz berdi. Ford Focus avtomobiliniñ aydayıcısı, Aqmescitten (Simferopol) Canköy tarafına areket etip, BAZ avtobusını ozmağa başladı, amma qarşı taraf yoluna çıqıp, VAZ-21061 avtomobiline az qaldı urulacaq edi. VAZ aydayıcısı, urulmamaq içün, qarşı taraf yoluna çıqtı ve o yerde avtobusnen çatıştı. Neticede avtobus yol kenarına çıqtı. VAZ-21061 maşnası ise Ford Focus avtomobilinen çatıştı, bu da neticede yol kenarına çıqtı.
Qaza neticesinde VAZ maşnasınıñ 35 yaşındaki aydayıcısı zararlandı, o, qapalı qafa-miy yarası ve miy sarsuvını aldı. Onıñ yanında ketken yolcu da aynı yaralarnı aldı. Avtobus 57 yaşındaki aydayıcısınıñ qaburğaları qırıldı ve köksü yaralandı. Avtobusnıñ yedi yolcusı yaralandı. Zararlanğanlar arasında 10 yaşındaki bala da oldı.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
