Yedi Quyu (Lelino) rayonında köy imamları prokuraturağa subetlerge çağırıla.
Bu aqta Avdetke yerli qırımtatar faali bildirdi.
Onıñ malümatına binaen, imamlarnı köylerde kütleviy merasimlerni teşkil etüvden uzaq turmağa çağıralar.
«Qanunsız keçirilgen merasimler içün imamlar mesüliyetli olacaq! Ğaliba, mayıs 18-ge azırlanalar», – dep tahmin etti faal.
Qırım müftiyatında Avdetke bildirdiler ki, olarnıñ elinde böyle malümat yoq ve qayd ettiler ki, böyle bir şey olsa edi, QMDİ bundan birinci olıp haberdar olur edi.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
