Ukraina «Eurovision-2017» yarışından çıqarıla bile

30.03.201710:40

«Eurovision» halqara muzıka yarışınıñ teşkilâtçıları Ukrainanı konkurstan çıqaruvnen qorquzdı.

Bu aqta İnformator, İsviçreli Blick neşrine esaslanıp, bildire.

Neşirniñ malümatına binaen, Avropa yayınlav birliginiñ baş müdiri İngrid Deltenre Ukrainağa rusiyeli yırcı Yuliya Samoylovanıñ kirişi yasaq etilgeninden çorlandı.

«Eurovision millionlarca adamlarnı quvandırmaq ve olarnı birleştirmek kerek, siyasiy davalarnı kenleştirmek ve olarnı bir birine qarşı olğanını yapmaq kerekmey», – dep qayd etti o.

Avropa yayınlav birliginiñ baş müdiri añlattı ki, şimdiki vaqıtta meseleni çezme yolunı tapmaq içün Ukraina prezidenti Petro Poroşenko ve baş nazir Vladimir Groysman ile muzakereler alıp barıla. Deltenreniñ fikrince, Ukraina Samoylovanıñ Ukrainağa kirişini «Eurovision-2017» yarışından soñ yasaq ete bile.

Akis alda, Avropa yayınlav birligi Ukrainağa nisbeten sanktsiyalar kirsete ve onı halqara yarışta iştirak etüvden çıqara bile.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция Avdet

Avdet gazetası