Kiyevde Jamala aqqında vesiqalı film taqdim etilecek

31.03.201712:36

Aprel 6-da Kiyevdeki «Butterfly» De Luxe kinoteatrinde «Jamala.UА» vesiqalı filmi taqdim etilecek.

Aleksandr Dovjenko milliy merkezi matbuat hızmetiniñ bildirgenine köre, premyera Jamalanıñ iştiragi ile keçirilecek.

«Film yırcınıñ alışılğan sana ve televizion obrazından perdeni aça, böyleliknen, tabiatı ve printsipleri, şübe ve bolduruvları, quvetsizlik ve nazikligi olğan, amma ömrüniñ esas işine – muzıkağa – sadıq olğan canlı insannı körmege imkân bere», – dep aytıla beyanatta.

«Jamala.UA», Dovjenko-Merkezi ve Ukraina Devlet kinosınıñ desteginen, milliy oynatımğa aprel 13-te çıqacaq, dep bildire «Qırım.Aqiqat».

Aleksandr Dovjenko milliy merkezi matbuat hızmetiniñ haber etkenine binaen, film mustaqil rejissör Anna Akuleviçniñ tarafından, Jamalanıñ razılığınen, amma onıñ kontroli olmadan, çıqarıldı.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET