Yaz ve küzde Qırımda üç bazarertesi raatlıq künü olacaq

01.04.201710:02

Qırımda yaz ve küzde bayram munasebetinen üç kün raatlıq künü olaraq ilân etildi. Böyle ferman Qırım ükümetiniñ resmiy portalında derc etildi.

Böyleliknen, yarımadada iyün 5 «Muqaddes Üçler bayramı munasebeti ile», iyün 26 «Oraza bayramı munasebeti ile» ve sentâbr 4 «Qurban bayramı munasebeti ile» raatlıq künleri olacağı ilân etildi. Butün bu künler bazarertesine tüşe.

Avdetniñ evel bildirgenine köre, aprel 17, bazarertesi künü, yani ortodoks Pasha bayramından soñraki kün, raatlıq künü olaraq ilân etildi.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.