Tasil nazirligi qırımtatar tiline bağışlanğan festivalnı teşkil etti

02.04.201720:40

Mart 31-de Qırımda «Ana tili pek qıymetli, ve halqnıñ meneviy zenginligi büyüktir» XIV Cumhuriyet qırımtatar tilinde talebe icadı festivaliniñ finalı keçirildi.

Qırım Tasil nazirligi tarafından teşkil etilgen merasim Bulğanaq (Kolçugino) köyünde qırımtatar tilinde tasil berilgen mektepte keçti.

Tasil nazirliginiñ matbuat hızmetinde qayd ettiler ki, festivalnıñ esas maqsadı, qırımtatar tiliniñ prestij seviyesini arttırmaq, yaşlarnıñ tuvğan halqınıñ medeniyeti ve adetlerine merağını doğurmaq, bala ve ösmürler arasında teatr ve edebiyat icadını inkişaf ettirmek ve populâr etmektir.

Festival üç namzetlikte keçirildi: Yunus Qandım adına «Qırım – menim Vatanım» qırımtatar tilinde edebiyat icadiy işleri yarışı, «Teatr – ayat küzgüsi» mektep teatr taqımlarınıñ yarışı ve «Aile degerlikleri» multimedia numayışlar yarışı.

Festival ğalipleri Qırım Cumhuriyeti Tasil, ilim ve gençler nazirligi tarafından diplomlar ve ediyelernen taqdirlendi.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Foto: Zarema Hayredinova

фестиваль1

фестиваль

фестиваль2

фестиваль3

фестиваль5

Author: Редакция Avdet

Avdet gazetası