Tataristan baş naziri istifağa çıqtı

03.04.201719:46

Tataristan baş naziri İldar Halikov öz isteginen istifağa çıqtı.

Bu aqta malümatnı cumhuriyet ükümetiniñ saytı bildire.

«Tataristan cumhuriyeti prezidenti Rustam Minnihanov Tataristan cumhuriyeti baş naziri İldar Halikovnıñ diger işke keçkeni sebebinden öz isteginen istifağa çıqmaq muracaatını qanaatlendirdi», – dep aytıla beyanatta.

Tataristan Devlet şurası yañı namzetni tasdıqlaycağına qadar cumhuriyet baş naziri vazifesini baş nazirniñ birinci muavini Aleksey Pesoşin icra etecek.

Halikov «Tatenergo» idare şirketiniñ baş müdiri vazifesine tayinlendi.

Haber etilgenine köre, Halikov Tataristan cumhuriyeti energetika saasındaki şirketler müdirleri şuralarına yolbaşçılıq etmege devam etecek.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET