Frenkistan Qırımda qırımtatarlarnıñ vaziyetini nezaret ete

04.04.201722:25

Frenkistan Qırımda yüz bergen, hususan qırımtatarlarnen bağlı olğan vaqialarnı nezaret ete.

Bu aqta Ukrainada Frenkistan vekâletli elçisi İzabel Dümon Hersonda şeer yolbaşçısı Vladimir Mikolayenko ile keçirilgen körüşüv devamında bildirdi.

«Sizge aytmağa isteyim ki, biz Qırımda neler olğanını, hususan tatarlarnen bağlı vaziyetni diqqatnen közetemiz. Bilgeniñiz kibi, Rusiyege qarşı sanktsiyalarnı kirsettik. Bu bizim siyasetimizdir, o deñişmey», – dep ayttı elçi.

Hatırlatamız ki, soñki üç yıl devamında Qırımda mustaqil mühbirler, yarımada faalleri ve Meclis (Rusiye Federatsiyasında mahkeme tarafından 26.04.2016 yasaq etilgen) azalarında tintüvler kütleviy şekilde keçirilip başladı.

İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция Avdet

Avdet gazetası