Topraq tayması neticesinde bozulğan Aqyar-Aqmescit yolunıñ bir qısmından tolusınen asfalt alındı. Endi mütehassıslar bu yerden topraqnı alacaq ve tamir işlerini başlaycaq.
«Geologik araştırmalar içün planlaştırılğan 23 araçıqtan 18 danesi yapıldı. Kerekli miqdardan 21 faiz topraq alıp çıqarıldı», – dep añlattı şeer naqliye ve yol-naqliye infrastrukturası bölüginiñ müdiri İgor Titov.
O hatırlattı ki, plan boyunca, bozulğan yol qısmında naqliye areketi mayıs 1-ge qadar açılacaqtır, dep yaza «RİA Novosti».
Aprel 6-da Aqyar akimiyeti ilmiy-tehnikiy şuranıñ toplaşuvında kelecekte böyle vaziyetke yol bermemek içün çezüv yollarını muzakere etecek.
Avdetniñ evel bildirgenine köre, Aqyar-Aqmescit yolunıñ bir parçası (Belbek (Fruktovoye) köyünden Mekenzi dağlarına yoquş) topraq tayması neticesinde bozuldı.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
