Qırım ve Sevastopol musulmanları diniy idaresi (QMDİ) Saudi Arabistandaki Mekke ve Medinanıñ muqaddes yerlerine acılıqqa barmağa istegenlerden vesiqalarnı qabul etip başladı.
QMDİ matbuat hızmetiniñ malümatına binaen, bu sene musulmanlarğa eki tur-programması teklif etile. «Ekonom» («Tutumlı») programması boyunca tur fiyatı 2200 dollarnı, «Komfort» programması boyunca ise, 2900 dollarnı teşkil etecek.
Hac-tur içün kerek olğan vesiqalar:
– tışqı pasport, biometrik, yañı şekilde yapılğan (qullanılacaq müddet eñ azdan 6 ay olmalı + nusha (kopiya));
– içki pasport nushası (1-ci saife ve qayd etüv saifesi);
– beyaz fonda 2 renkli fotoresim 4х6 (qadınlarnıñ başında yavluq olmalı);
– meningitke qarşı aşılav yapılğanı aqqında vesiqa (+ spravkanıñ kopiyası);
– 45 yaşına qadar qadınlar içün: mahram ile bağnı tasdıqlağan vesiqa (asıl (original));
– milleti ğayrı musulman olğan şahıslar içün islâmnı qabul etkeni aqqında şeadetname;
– çağına yetmegenler içün notarius tarafından tasdıqlanğan ana-babasından razılıq.
Vesiqalar nevbetteki adres boyunca qabul etile: Aqmescit (Simferopol) şeeri, Çehova soqağı, 20.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
