Yañı oquv yılında, sentâbr ayında Qırım mekteplerinde sambo dersi peyda olacaq, dep bildirdi cumhuriyet sport naziri Yelizaveta Kojiçeva.
Bu aqta malümatnı Kojiçeva «Sputnik v Krımu» radiosınıñ yayınında ilân etti.
Onıñ sözlerine köre, bu sene Qırım Tasil nazirligi kollegiyasında «Sambo mektepke» programması qabul etildi. O, bu sene sentâbr ayından başlanacaq.
Nazir qayd etti ki, başından bu kibi dersler idmanlarğa başlamağa azır olğan bu yönelişteki mütehassıslar bar olğan regionlarda berilecek. Bularnıñ arasında Aqmescit (Simferopol), Yalta, Keriç ve Seyitler (Nijnegorskiy) rayonlarıdır.
Talebeler derslerni ziyaret etmege mecbur olacaq.
İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
