Taqiqat komiteti Peterburgda yüz bergen patlav neticesinde elâk olğanlarnıñ cedvelini taqdim etti

05.04.201713:10

Rusiye Taqiqat komiteti Sankt-Peterburg şeerinde yüz bergen patlav neticesinde elâk olğan, şahsiyeti belgilengen 10 insannıñ cedvelini paylaştı.

Taqiqatnıñ malümatına binaen, olarnıñ arasında 16-71 yaşındaki altı qadın ve dört aqay kişi bar.

– Aliyeva Dinara Samandarovna (08.10.1996),
– Arışev Maksim Vitalyeviç (18.08.1996),
– Danilenko Oksana Gennadyevna (03.10.1991),
– Malükova Kseniya Sergeyevna (11.09.1998),
– Medântseva İrina Küzminiçna (06.05.1966),
– Nalimov Yuriy Pavloviç (07.06.1945),
– Petrov Denis Romanoviç (27.12.1991),
– Sagadeyev Mansur Tihiroviç (27.08.2000 ili 27.03.2000),
– Svistunova Angelina Sergeyevna (17.02.1990),
– Şçekina Larisa Grigoryevna (02.06.1950).

RF Taqiqat komitenide bildireler ki, daa dört elâk olğan kişini belgilemek içün genetik ekspertizanıñ keçirilmesi kerek, çünki olarnı tanıması imkânsızdır.

Şimdiki vaqıtta hastahanelerde 49 zararlanğan kişi buluna.

Avdetniñ evel bildirgenine köre, aprel 3-te, tahminen saat 14:40-ta Sankt-Peterburg şeerindeki «Tehnologiçeskiy institut» ve «Sennaya ploşad» metro stantsiyaları arasında trende belli olmağan patlatıcı alet patladı. Neticede ondan ziyade adam elâk oldı. Taqiqat vaqianıñ terakt olğanını esas versiya olaraq tanıy.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.