Yaltada bombağa oşağan şübeli alet tapıldı

05.04.201716:25

Aprel 4-te, yarı gecede Yaltadaki Polikurovskiy bayırınıñ sakinleri öz elinen yapılğan patlatıcı aletke oşağan şübeli alet taptı.

Bu yerge Fevqulade vaziyetler nazirligi hadimleri, politsiya ve köpeklernen sapörler çağırıldı. Şaatlarnıñ sözlerine binaen, adamlar şaşıp, evlerden çapıp çıqtı ve sapörlerni bekledi.

Qurtarıcılarnıñ birazdan soñ belgilegenine köre, tapılğan alet ömür içün havflı degil: ğaliba, kimse şaqalaşmağa istedi ve «Pepsi» şişesine pitarda qoydı.

Politsiya şaqacı ve vaqia şaraitini ögrenecek, dep bildire «Primeçaniya».

Avdetniñ evel bildirgenine köre, aprel 3-te, tahminen saat 14:40-ta Sankt-Peterburg şeerindeki «Tehnologiçeskiy institut» ve «Sennaya ploşad» metro stantsiyaları arasında trende belli olmağan patlatıcı alet patladı. Neticede ondan ziyade adam elâk oldı. Taqiqat vaqianıñ terakt olğanını esas versiya olaraq tanıy.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET