Ali Asanov ve Mustafa Degermenci ev yaqalavı şartınen apisten yiberildi

06.04.201718:15

Aqmescit Merkez rayon mahkemesi «fevral 26 işi» boyunca yaqalanğan Ali Asanov ve Mustafa Degermenciniñ cezalavını deñiştirdi. Olar, ev yaqalavı şartınen yiberildi.

Bu aqta adliyeci Edem Semedlâyev Facebook saifesinde bildirdi.

Hatırlatamız ki, bundan evel qabaatlanğan kişilerniñ adliyecileri olarnıñ cezalavı ev yaqalavına deñiştirilsin dep, şefaat arizasını bergen edi. Mahkeme toplaşuvında olarğa prokuror Yegor İvantsov qol tuttı.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET