Aqmescit bazarında yaqalanğanlar arasında qadınlar da bar

06.04.201716:20

Şimdiki vaqıtta Aqmescit (Simferopol) Merkez bazarında uquq qoruyıcılar tarafından keçirilgen antiterroristik ameliyat neticesinde 80 adam yaqalanğanı aqqında malümat bildirile. Olarnıñ arasında eki qadın bar.

Qırımtatar faali Zair Smedlâyevniñ malümatına binaen, yaqalavnıñ esas sebebi, «pek körüngen musulman körünişi» oldı. Adamlarnıñ ellerinde vesiqalar bar olğanı da tesir etmedi. Parmaq izleri ve tükürçik alınğan soñ, adamlar yiberile. Smedlâyev yüz bergen vaqianıñ «diniy ve milliy mensüplik boyunca ayıruv» olğanını ayttı.

Bazar hadimleri, iş urbalarını deñiştirmek imkânı berilmeyip, politsiya bölügine ketirildi.

мясники

Bundan evel 60 yaqalanğan kişi aqqında haber etilgen edi, olar İçki işler merkeziy rayon bölügine ketirildi.

Avdetniñ bildirgenine köre, bugün saba Aqmescit (Simferopol) merkez bazarını uquq qoruyıcılar sarıp aldı. Uquq qoruyıcılar «ğayrı slavân şahıslarını» tuta. Bazı malümatlarğa binaen, yaqalanğanlar arasında yaqında Ekstremizmge qarşılıq merkezine tüşken mühbir Taras İbragimov, bunen beraber, uquq qoruyıcı Andrey Krisko da oldı, olar yüz bergen vaqianı videoğa çıqardı.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET