Aqmescit Merkez bazarında elliden ziyade adam yaqalandı

06.04.201715:00

Antiterroristik ameliyat çerçivesinde Qırım paytahtınıñ Merkez bazarında 60-tan ziyade adam yaqalandı.

Bu aqta qırımtatar faali Zair Smedlâyev bildire.

Onıñ sözlerine binaen, bütün yaqalanğanlar İçki işler merkeziy rayon bölüginde buluna.

Mühbir Anton Naumlükniñ malümatına köre, onıñ yaqalanğan zenaatdaşı Taras İbragimov ve uquq qoruyıcı Andrey Krısko yüz bergen vaqianı videoğa çıqardı. Bütün yaqalanğanlardan pasportlar alındı, olar zalğa kirsetildi, ve beşer adam fotoresimge çıqarıla ve parmaqlarınıñ izleri alına.

Avdetniñ evel bildirgenine köre, bugün saba Aqmescit (Simferopol) merkez bazarını uquq qoruyıcılar sarıp aldı. Uquq qoruyıcılar «ğayrı slavân şahıslarını» tuta. Bazı malümatlarğa binaen, yaqalanğanlar arasında yaqında Ekstremizmge qarşılıq merkezine tüşken Taras İbragimmov, bunen beraber, uquq qoruyıcı Andrey Krisko da bar.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

рынок1

рынок2

Author: Редакция Avdet

Avdet gazetası