Bu afta soñu Qırımda yağmur yağacaq, saniyede 20-ge qadar metr suratınen yel esecek.
Bunı regional gidrometeorologik merkezi bildire.
Aqmescitte (Simferopol) bulutlı ava beklenile. Bazı yerlerde yağmur yağacaq. Saniyede 7-12, bazı vaqıtları 22 metr suratınen yel esecek. Ava arareti gece +4+6, kündüz +9+11 dereceni teşkil etecektir.
Aqyarda (Sevastopol) bulutlı ava olacaq. Saniyede 15-20 metr suratınen yel esecek. Ava arareti gece +4+6, kündüz +8+10 dereceni teşkil etecektir.
Yaltada afta soñu yağmurlı olacaq, bazar künü boranlı yağmur beklenile. Saniyede 1-5 metr suratınen yel esecek. Ava arareti gece ve kündüz +9+11 dereceni teşkil etecektir.
Kezlevde (Yevpatoriya) de yağmur yağacaq. Saniyede 5-10 metr suratınen yel esecek. Ava arareti gece ve kündüz +8+10 dereceni teşkil etecektir.
Keriçte bazı vaqıtları yağmur yağacaq. Saniyede 6-11 metr suratınen cenüp-ğarbiy yel esecek. Ava arareti gece +6+8, kündüz +9+11 dereceni teşkil etecektir.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.