Ukrain parlamentine Qırımtatar milliy muhtariyeti aqqında qanun leyhası kirsetildi

07.04.201715:50

Aprel 7-de, cuma künü, Ukraina Yuqarı Radasında qırımtatar halqınıñ Ukrainadaki statusı aqqında Qanun leyhası qayd etildi.

Qanun leyhasınıñ teşebbüsçileri, Qırımtatar halqı meseleleri boyunca Ukraina prezidentiniñ vekâletlisi Mustafa Cemilev, Qırımtatar Milliy Meclisi (Rusiyede mahkeme tarafından 26.04.2016 yasaq etilgen) reisi Refat Çubarov, halq deputatı, İnsan aqları, milliy azlıqlar ve milletlerara munasebetler meseleleri boyunca Komitetniñ yolbaşçı muavini Grigoriy Logvinskiy ve diger halq deputatları oldı.

Qanun leyhasını añlatqan mektüpte añlatıla ki, onıñ esas maqsadı, qırımtatar halqınıñ mustaqil Ukraina terkibinde öz-özüni idare etüv aqqınıñ ömürge keçirilmesi içün uquqiy şarait qurmaqtır, işbu aq-uquq «qırımtatar halqınıñ, Ukraina tamır halqı olaraq, etnik, medeniyet, til ve din özgünliginiñ saqlavı ve inkişafınıñ» kefili olacaq.

«Qanun boyunca közde tutulğan Qırım Muhtar Cumhuriyetiniñ siyasiy statusınıñ mustaqil Ukraina Devletiniñ terkibindeki Qırım yarımadası territoriyasında teşkil olunacaq qırımtatar halqınıñ milliy-topraq muhtariyeti olaraq qayd etilüvi, niayet, 1991 senesi fevral ayında Qırım muhtariyetiniñ topraq boyunca, lâkin o vaqıt sürgünlikten Vatanğa qaytmağa başlağan yarımadanıñ tamır halqınıñ öz-özüni idare etüv aqqı közge alınmayıp, yañıdan tiklenilmesinen beraber peyda olğan uquqiy añlaşılmamazlıqnı tüzetecektir», – dep qayd ete qanun leyhasınıñ müellifleri.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET