Aprel 7-de, tahminen saat 16.00-da Aqmescit-Bağçasaray-Aqyar (Simferopol-Bağçasaray-Sevastopol) yolunda Renault yük maşnası «Krımavtodor» avtomobiline uruldı. Neticede bir adam elâk oldı, daa eki kişi zararlandı.
Yol areketi havfsızlığı devlet inspektsiyasınıñ (YAHDİ) malümatına binaen, yük maşnası aydayıcısı arqa küzgüge baqıp, diqqatını böldi, neticede «Krımavtodor» müessisesine ait «Gazel» avtomobilinen çatıştı.
«Yük manşnasınıñ ögünde yengil avtomobil areket ete edi, o, «Gazel» mikroavtobusını ozıp keçmege başladı. Yük maşnası aydayıcısınıñ añlatqanına köre, o, arqa küzgüge baqtı ve «Gazel» çekken tirkemege uruldı, qaysı biri pek yavaş kete edi, ğaliba, tamir işlerini alıp barğan ediler. Çatışma neticesinde mikroavtobustan eki adam uçıp ketti. Soñki malümatlarğa binaen, eki adam yaralandı, bir kişi elâk oldı», – dep añlattılar müessisede, bildire «RİA Krım».
Şaatlarnıñ haber etkenlerine köre, rayonda büyük tıqanıqlıq peyda oldı.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
