Aprel 10-da Aqmescitteki (Simferopol) Lenin adına meydanında abide yanında belli olmağan şey tapıldı, bundan sebep İçki işler nazirligi ve Fevqulade vaziyetler nazirliginiñ hadimleri abide territoriyasını sarıp aldı.
Belgilengenine köre, Vladimir Lenin abidesiniñ sağ ayağı yanında kitapqa oşağan şey tura edi.
Meydandan keçecek olğan piyadeler Nazirler şurası binası ya da Akademik muzıkalı teatr yanında keçmek mecbur etildi.
«Meydanda kitapqa oşağan belli olmağan şey tapıldı», – dep añlattı Qırım paytahtı memuriyetiniñ yolbaşçısı Gennadiy Baharev.
Amma şübeli şeyni teşkergen soñ, FVN-niñ sapörları qayd etti ki, bu adiy bir kitaptır, dep bildire «RİA Krım».
Hatırlatamız ki, Sankt-Peterburg şeerindeki metroda yüz bergen facialı vaqia ve Rostov-na-Donu şeerindeki mektep yanında yanğırağan patlavdan soñ, Rusiye sakinleri cemaat toplağan yerlerde şübeli şeylerge diqqatlı davranmağa çağırıldı. Aprel 4-te yarı gecede Yaltadaki Polikurovskiy bayırınıñ sakinleri öz elinen yapılğan patlatıcı aletke oşağan şübeli alet taptı.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
