Keçken afta Aqmescitte (Simferopol) keçirilgen teşkerüvler neticesinde şeerde qanunsız alış-veriş alıp barğan 35 Özbekistan vatandaşı belgilendi.
Bu aqta Aqmescit memuriyetiniñ matbuat hızmeti bildire.
Ticaretçilerge nisbeten memuriy protokollar tizildi, bundan soñ olar aqqında malümat, bulunğan devletniñ qanunlarını bozğan vatandaşlarnıñ bu yerden çıqarılması aqqında meseleniñ çezilmesi içün, İçki işler yanındaki migratsiya idaresine teslim etildi.
«Bugünki künde qanunsız ticaret alıp barğan 15 vatandaş Rusiye Federatsiyasından çıqarıldı. Olarnıñ devletke kirişi 5 yılğa yasaq etildi», – dep bildirdi Aqmescit memuriyetiniñ memuriy-tehnikiy nezaret bölüginiñ müdiri Yuriy Bravnikov.
Umumen olaraq, teşkerüvler neticesinde keçken afta devamında 102 memuriy protokol tizildi – «mahsulat satuvı ya da hızmetler berüvi bu maqsatlar içün belgilenmegen yerlerde kerçekleşüvi içün» ve «teminlev qaidelerini bozuv» içün.
Belgilenmegen yerlerde ticaret alıp baruv içün madde boyunca, fizikiy şahıslar 30 biñge qadar ruble para cöremesinen cezalana bile.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
