Qırımnıñ bazı rayonlarında bu afta +20 derecege qadar sıcaq olacaq.
Bu aqta malümat region gidrometeorologik merkeziniñ saytında bildirile. Sinoptiklerniñ tahminlerine köre, bazarertesi-salı künleri yarımadada yağmur yağacaq, bundan soñ küneşli ve quru ava olacaqtır.
Aqmescitte (Simferopol) afta başında ava bulutlı olacaq, bazı yerlerde yağmur yağacaq, bundan soñ yağanaqlar olmaz. Saniyede 5-10 metr suratınen cenüp-ğarbiy yel esecek. Ava arareti gece +1+3, kündüz +16+18 dereceni teşkil etecek.
Aqyarda (Sevastopol) bulutlı ava beklenile, bazarertesi künü yağmur yağması mümkün, bundan soñ bütün afta devamında ava quru olacaq. Saniyede 6-11 metr suratınen yel esecek. Ava arareti gece +6+8, kündüz +12+14 dereceni teşkil etecek.
Yaltada bazarertesi ve salı künleri yağmurlı ava beklenile, bundan soñ yağanaqlar olmaz. Saniyede 1-5 metr suratınen yel esecek. Ava arareti gece +8+10, kündüz +14+16 dereceni teşkil etecek.
Kezlevde (Yevpatoriya) bazarertesi künü şiddetli yağmur yağacaq, salı kününden başlap ise, küneş parıldaycaq. Saniyede 2-6 metr suratınen yel esecek. Ava arareti gece +6+8, kündüz +11+13 dereceni teşkil etecek.
Keriçte deñişici bulutlı ava beklenile. Bazarertesi ve cumaertesi künleri yağmur yağacaq, qalğan vaqıt yağanaqlar olmaz. Tuman olması mümkün. Saniyede 5-10 metr suratınen yel esecek. Ava arareti gece +4+6, kündüz +13+15 dereceni teşkil etecek.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
