Qırımda eki qadınnı urıp öldürgen aydayıcı maşnasını yaqtı

10.04.20179:10

Krasnoperekopsk Devlet avtoinspektsiyası hadimleri keçken bazar künü eki qadınnı cayav keçitinde maşnanen urıp öldürgen aydayıcını belgiledi.

Bu aqta Yol areketi havfsızlığı devlet inspektsiyasınıñ Qırım idaresi matbuat hızmeti bildirdi.

Müessiseniñ malümatına binaen, qazanı Zelânaya Niva köyüniñ 20 yaşındaki sakini, VAZ-21150 avtomobiliniñ aydayıcısı yaptı.

O, aprel 2-de, tahminen saat 20:00-de Poçtovoye köyüne buruluş yanında yolnı cayav keçitinden keçken eki qadınnı maşnanen urıp öldürdi.

«Aydayıcı qaza yüz bergen yerden qaçtı ve maşnanı «Geroi Perekopa» müessisesiniñ pirniç tarlaları territoriyasında yaqtı ve kanalğa attı, soñra Ermeni Bazarğa (Armânsk) yol aldı», – dep añlattılar YAHDİ-de.

Politsiya hadimleri cinayetçini eki saattan soñ taptı, ilk malümat taksistlerden alındı, olarnıñ diqqatını aydayıcınıñ aydama usulı celp etti.

«Birinci soravda yaqalanğan kişi ayttı ki, o aqşam tahminen saat 19:00-da VAZ-21150 avtomobilini belli olmağan şahısqa sattı. Lâkin, bu vaqia boyunca teşkerüv keçirilgen soñ, qaysı biri onıñ aytqanı yalan olğanını tasdıqladı, o, qadınlarnı maşnanen urğanını tanıdı ve avtomobilni yaqqan yerni kösterdi», – dep bildirdi matbuat hızmeti.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET