İçki işler nazirliginiñ (İİN) Qırım boyunca baş idaresi matbuat hızmeti bugün Bağçasaraydaki 6-cı ve 7-ci qasabalarda keçirilgen tintüvlerge izaat berdi.
«Qırım Cumhuriyeti boyunca İİN hadimleri diger uquq qoruyıcı organlarınen beraberlikte Bağçasaray rayonında Rusiyede yasaq etilgen teşkilâtnen bağlı olğan şahıslarnı belgilemek maqsadınen plan boyunca tedbirlerni keçire. Ekstremistik edebiyat alına», – dep aytıla cumhuriyetniñ İİN matbuat hızmetiniñ beyanatında.
Avdetniñ bildirgenine köre, bugün saba Bağçasaraynıñ 6-cı ve 7-ci qasabalarında Seydamet Mustafayev ve Riza Mujdabayevniñ evlerinde tintüvler keçirildi.
Ev saiplerinden ğayrı, uquq qoruyıcılar dört yerli sakinni yaqaladı. Mustafa ve Şevket Abduramanovlar (oğul ve babası), Eskender Memetov (siyasiy mabus Remzi Memetovnıñ oğlu), Remzi Zudiyev. Olarğa nisbeten memuriy protokollar tizile.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
