Yaqalanğan qırımtatarlarğa nisbeten belgilengen cezalav belli oldı

13.04.201720:10

Aprel 13-te tintüvler keçirilgen evlerniñ yanına kelgen qırımtatarlarğa nisbeten mahkeme qararları çıqarıldı.

Böyleliknen, Aziz Azizov, Mustafa Abduramanov 7 kün memuriy yaqalavnen cezalandı, yürek ameliyatı yapılğan ve çoq vaqıt devamında komada bulunğan Remzi Zudiyev 3 künge yaqalandı, Eskender Memetov («Hizb ut-Tahrir» işi boyunca yaqalanğan Remzi Memetovnıñ oğlu) 2 kün yaqalavnen cezalandı. Şevket Abduramanovnı mahkeme 10 biñ ruble para cöremesinen cezaladı. Onıñ imayecileri işbu qararğa qarşı şikâyet arizasını berecek ola.

Evlerinde tintüv keçirilgen Seydamet Mustafayev ve Midat Mujdabayevge nisbeten mahkeme qararları daa çıqarılmadı.

Avdetniñ bildirgenine köre, bugün saba Bağçasaraynıñ 6-cı ve 7-ci qasabalarında Seydamet Mustafayev ve Midat Mujdabayevniñ evlerinde tintüvler keçirildi.

Ev saiplerinden ğayrı, uquq qoruyıcılar dört yerli sakinni yaqaladı. Olarğa nisbeten memuriy protokollar tizildi.

İçki işler nazirliginiñ Qırım boyunca baş idaresi matbuat hızmeti bugün Bağçasarayda keçirilgen tintüvlerniñ «Rusiyede yasaq etilgen teşkilâtnen bağlı olğan şahıslarnı belgilemek maqsadınen plan boyunca yapılğan tedbirler» olğanını ayttı.

İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET