Qırımda bu afta soñu bulutlı ava beklenile, cumaertesi künü yağmur yağacaq, bazar künü yağanaqlar olmaz. Bazarertesi kününden başlap, şiddetli yağmurlar beklenile. Bazı regionlarda ava +20 derecege qadar qızacaq.
Bunı regional gidrometeorologiya merkezi bildire.
Aqmescitte (Simferopol) cumaertesi künü yağmur yağması mümkün, bazar ise, yağanaqlar beklenilmey. Saniyede 7-12 metr suratınen ğarbiy yel esecek. Ava arareti gece +4+6, kündüz +17+19 dereceni teşkil etecek.
Aqyarda (Sevastopol) ava bulutlı olacaq, amma yağanaqlar olmaz. Saniyede 5-10 metr suratınen yel esecek. Ava arareti gece +5+7, kündüz +12+14 dereceni teşkil etecek.
Yaltada cumaertesi künü bulutlı ava beklenile, yağmur yağacaqtır, bazar künü ise, yağanaqlar olmaz. Saniyede 1-5 metr suratınen yel esecek. Ava arareti gece +8+10, kündüz +14+16 dereceni teşkil etecek.
Kezlevde (Yevpatoriya) cumaertesi künü titis ava beklenile, bazar künü yağmur yağması mümkün. Saniyede 1-5 metr suratınen cenüp-ğarbiy yel esecek. Ava arareti gece +8+10, kündüz +10+12 dereceni teşkil etecek.
Keriçte deñişici bulutlı ava beklenile. Cumaertesi künü yağmur yağacaq. Bazar künü yağanaqlar olmaz. Saniyede 5-10 metr suratınen cenüp-ğarbiy yel esecek. Ava arareti gece +6+8, kündüz +14+16 dereceni teşkil etecek.
İçtimaiy ağlarda Facebook,Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
