Aqmescit Merkez bazarı yanındaki «temizlengen» meydanda raatlıq zonası yapılacaq

15.04.201716:05

Qırım paytahtı Merkez bazarı yanındaki meydanda, bu yerde qanunsız ticariy noqtalar yoq etilgen soñ, raatlıq zonası yapılacaq.

Bu aqta Aqmescit (Simferopol) memuriyeti yolbaşçısınıñ birinci muavini Aleksandr Ovdiyenko bildirdi.

Onıñ sözlerine köre, bu yerde yeşil zona yapılacaq, bundan evel bu yerden alınğan Lübnan sediri yañıdan oturtılacaq ve bala meydançığı qurulacaq.

Bunen beraber o haber etti ki, bu topraq endi abadanlaştırılıp başladı ve leyhadan aldın vesiqalar azır.

Bundan da ğayrı, bu yerde maşnalar içün park yeri olacaq, cemaat naqliyesi içün yañı turaqlar qurulacaq.

Aleksandr Ovdiyenko haber etti ki, Qırım paytahtında qanunsız obyektlerniñ yoq etilüvi daa yekünlenmedi, dep bildire «RİA Krım».

Avdetniñ evel bildirgenine köre, aprel 11-de Merkez bazarı yanındaki meydanda qanunsız ticariy noqtalar yoq etilip başladı.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

рынок ц

рынок ц2

рынок ц3

Author: Редакция Avdet

Avdet gazetası