Rusiye Federatsiyası İçki işler nazirliginiñ Qırım Cumhuriyeti boyunca şahsiy havfsızlıq hızmeti ve Federal havfsızlıq hızmeti (FSB) regional idaresiniñ hadimleri vatandaştan, oña qarşı cinaiy iş açılmasın dep, qabar alğan politsiya hadimini yaqaladı.
Bu aqta Qırım İçki işler nazirliginiñ matbuat hızmeti bildirdi.
Rusiye Taqiqat komiteti Qırım boyunca Baş taqiqat idaresiniñ malümatına binaen, politsiya hadimi Rusiye Federatsiyası Cinaiy kodeksiniñ 290-cı maddesi 2-ci qısmında (vazifeli şahıs tarafından büyük miqdarda qabar aluv) qayd etilgen cinayetni yapqanında şeklenile.
Taqiqatnıñ malümatına binaen, 2017 senesi aprel ayında şeklenilgen insan Aqmescit sakini köteklengeni aqqında malümat boyunca teşkerüv neticesinde cinaiy iş açılmasınıñ red etilüvi aqqında qarar çıqarması içün 100 biñ ruble miqdarında qabar aldı. Para alğan soñ, politsiya hadimi birden yaqalandı.
«Şimdiki vaqıtta politsiya hadimine nisbeten apiske qapatuv cezası belgilenmesi meselesi çezile», – dep bildirdi taqiqat idaresiniñ matbuat hızmeti.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
