Jamala nişanlısına türkü bağışladı

17.04.201719:35

Yırcı Jamala nişanlısı Seit-Bekir Suleymanovğa bağışlanğan «Lübiti» («Sevmek») adlı yañı türküni taqdim etti.

Premyera aprel 16-da «1+1» telekanalında «Golos krayinı» («Memleket sesi») şounıñ yayınında kösterildi.

«Sevgilim meni ilhamlandıra. Şimdi Bekirnen toyğa azırlanamız, ve antnı azırlamaq kerekmiz. Men bunı yır vastasınen yapsam, daa yahşı olur. Böyleliknen «Lübiti» türküsi peyda oldı», – dep ayttı Jamala.

Evel haber etilgenine köre, Jamala Viva mecmuasınıñ versiyası boyunca «Devlet ğururı» oldı. Yırcı öz mukâfatını nişanlısı Seit-Bekirge bağışladı.

Jamala añlattı ki, olarnıñ Seit-Bekir Suleymanov ile toyu Kiyevde yapılacaqtır, amma böyle merasim içün eñ güzel yer Qırım olur edi.

Avdetniñ bildirgenine köre, aprel 16-da Ukrainada keçirilgen «Memleket sesi» yarışınıñ yarım finalınıñ iştirakçisi, Aqmescit sakini Naile İbraimova «1+1» telekanalınıñ canlı yayınında qırımtatar tilinde «Bizim taraf» türküsini yırladı.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET