Birleşken milletler teşkilâtınıñ (BMT) Halqara mahkemesi (Gaaga) Irq ayırımınıñ er angi şekliniñ yoq etilüvi aqqında konventsiyası çerçivesinde Qırımda qırımtatarlar ve ukrainlerniñ aqlarını qorçalamaq ve teminlemek içün mahsus tedbirler alıp barılması aqqında qarar aldı.
«Hatırlatmaq kerek ki, RF Irq ayırımınıñ er angi şekliniñ yoq etilüvi aqqında konventsiyası boyunca bütün vazifelerini ömürge keçirmeli. Mahkemeniñ fikrince, RF Qırımda qırımtatarlar ve olarnıñ birleşmelerine nisbeten sıñırlamalar kirsetüvinden vazgeçmek, olarnıñ müessiselerini, bu cümleden Meclisni (Rusiyede 26.04.2016 mahkeme qararınen yasaq etilgen, – Avdet) saqlamaq kerek. Bunen beraber, RF ukrain tilinde tasil berüvni teminlemek kerek», – dep ayttı mahkeme toplaşuvında onıñ reisi Ronni Abraham.
Bundan da ğayrı, Birleşken milletler teşkilâtınıñ Halqara mahkemesi Rusiye ve Ukrainağa baqılğan davanıñ kerginleşmesine yol bere bilecek er angi areketlerden vazgeçmege avale etti.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
