Qırım yalısı yaqınlarında «Geroi Arsenala» gemisi deñizge battı

19.04.201710:23

«Geroi Arsenala» gemisi Qara deñizge battı, vaqia yüz bergen yerge acele yardım hızmetleri yollanıldı.

Bu aqta Rusiye Fevqulade vaziyetler nazirligi Qırım boyunca baş idaresiniñ matbuat hızmeti bildirdi.

«Qara deñizde «Geroi Arsenala» gemisi suvğa battı. Vaqia yüz bergen yerge acele yardım hızmetleri yollanıldı. Malümat ögrenile», – dep aytıla müessiseniñ beyanatında.

FVN-de qayd ettiler ki, şimdilik ava vaziyeti qıdıruv işleriniñ alıp barılmasına keder ete.

Marine Traffic online-servisiniñ malümatına binaen, soñki sefer gemi Qara deñizde Keriç yarımadası yaqınlarında qayd etildi.

Açıq menbalarnıñ malümatına binaen, «Geroi Arsenala» yük gemisi 1980 senesi quruldı. Onıñ uzunlığı 114 metr, keñligi 13 metrni teşkil ete. Ağırlığı  – 2850 tonna. Gemi Panama bayrağı ile yüre, onıñ saibi türk şirketi ola. 2013 senesine qadar gemi Ukrreçflotqa ait edi.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET