Aqmescitte (Simferopol) Salğır özeni yalısınıñ kenarı 2018 senesi tertipke ketirilecek. Yalı kenarınıñ bir qısmı yatırımcılarnıñ parasınen yapılacaq.
Bu aqta Sergey Aksönov bildirdi.
«Aqmescitteki yalı kenarını 2018 senesi tertipke ketirip başlaycaqmız. Şimdiki vaqıtta yatırımcılarnıñ parasınen yalı kenarınıñ bir qısmı yapılması meselesi muzakere etile. Mıtlaqa tertipke ketirecekmiz – bu, Qırım paytahtınıñ emiyetli bir yeridir», – dep ayttı Aksönov.
Bundan evel Aqmescit akimiyeti Salğır özeni yatağı ve saili 2015 senesi iyül soñuna qadar temizlenecegi aqqında söz bergen edi, amma er şey olğanı kibi qaldı.
Avdetniñ bildirgenine köre, Aqmescit sakinleri Salğır özeni yatağını ot basqanına, bozulğan beton ve şeer merkezinde özen sailinde çöplük obalarına şikâyet etti.
İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
