Aprel 19-da gece Keriç yalısı yaqınlarında deñizge batqan «Geroi Arsenala» yük gemisi erkân azalarınıñ cedveli derc etildi.
Life agentliginiñ bildirgenine köre, gemide 11 aqay kişi ve bir qadın-aşçı buluna edi. Olarnıñ 9-ı Ukraina vatandaşları ola: Glazko İ., Pantühov A., Gançevskiy N., Bitsüra A., Çernenko K., Gonçarenko A., Sveçkar M. (aşçı), Mesnânkin A., Sinük D. Bunen beraber, o yerde eki Rusiye vatandaşı (Vedernikov A. ve Pateyev D.) ve Gürcistan vatandaşı Kacaya L. buluna ediler.
Aprel 19-da, aqşamğa qadar Fevqulade vaziyetler nazirliginiñ hadimleri bir zararlanğan kişini qurtarıp oldı, daa üç deñizciniñ cesedini taptı. Bunen beraber, gemi suvğa batqan rayonında eki boş gidrokostüm tapıldı, dep bildirdi Novorossiysk deñiz qurtaruv ve idare etüv merkeziniñ müdiri Aleksey Kuhol.
«Üç ceset ve eki boş gidrokostüm töpege çıqarıldı. Bir zararlanğan kişi de bar», – dep ayttı Kuhol.
«Vesti» bildire ki, erkân azalarınıñ bazılarına qurtaruv yelekleri yetmedi.
Qırım ükümeti haber etti ki, olarnıñ elinde olğan malümatqa binaen, suvğa batqan gemi, tahminlerge köre, 19 tonna dizel yaqarlığı ve 1,5 tonna motor yağını taşıy edi.
Avdetniñ evel bildirgenine köre, «Geroi Arsenala» yük gemisi Qara deñizge battı.
İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
