Avanıñ apansızdan deñişmesi, yani suvuq tüşmesi, şiddetli yel ve yağğan qar Qırımnıñ meyva ve yemiş ösümliklerine büyük zarar ketirmedi.
Bu aqta yarımada köy hocalığı naziri Andrey Rümşin bildirdi.
«Mesele şunda ki, meyva terekleriniñ bir qısmı endi çiçekledi, başqası daa çiçeklemedi, demek ki, zarar ketirilmegendir», – dep qayd etti nazir.
Evel haber etilgenine köre, sinoptiklerniñ tahminlerine binaen, bu künleri yarımadada saniyede 15-20 metr suratınen cenüp-ğarbiy yel esecek. Keriç boğazında dalğalarnıñ yüksekligi 7-12 dm teşkil ete bilecek. Ava gece +5, kündüz +15 derecege qadar qızacaq.
Avdetniñ evel bildirgenine köre, aprel 19-ğa keçer gecesi Qırımnıñ bir qısmı sabanı qar ile qarşıladı. Qar Aqmescit (Simferopol) ve Qırım şimaliy rayonlarında yağdı.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
