Aqmescitte (Simferopol) 1-ci bala ve gençler sport mektebinde qadınlar arasında küreş boyunca Qırım çempionatı keçirildi.
Bu aqta Qırım Cumhuriyeti Sport küreşi federatsiyasınıñ matbuat hızmeti bildire.
Yarışta Aqmescit, Kezlev (Yevpatoriya), Aluşta, Bağçasaray ve Aqyardan (Sevastopol) kelgen 15 sportçu iştirak etti.
Zarema Kurtosmanova 75 kilogramğa qadar yük kategoriyasında birinci yer aldı.
Yarış neticesinde Qırım cıyma taqımı teşkil etilecek. İşbu taqım mayıs 12-14 künleri Krasnodar ülkesindeki Gulkeviçide keçirilecek Cenübiy federal okrugı çempionatında iştirak etecek.
Serbest küreş boyunca sport ustası Zarema Kurtosmanova Ukraina ve Avropanıñ çoq kere çempionı ola. Serbest küreşten ğayrı, Zarema sumonen oğraşa edi, bu sport boyunca usta unvanını qazandı, 4 kere Avropa çempionı olğan edi.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
Foto: İnternet
