Aksönov alman siyasetçileri ile körüşüvden fotoresimlerni paylaştı

27.04.20179:25

Qırım ükümeti yolbaşçısı Sergey Aksönov yarımadağa kelgen alman siyasetçileri ile körüşüvden fotoresimlerni Facebook saifesinde paylaştı.

Onıñ fikrince, «Almaniya hristian demokratik birligi» firqasınıñ azası Villi Vimmerniñ yolbaşçılığında Almaniya vatandaşlarınıñ eyyeti yarımadanıñ qoşulmasını resmiyleştirmege yardım etecek.

«Eminim ki, evel olğan dostane munasebetlerimizni yañıdan pekitmek içün vaqıt keldi. Qırımda olıp keçken vaqialar Rusiye Federatsiyasına yaramay baqqan siyasetçilerniñ tesiri ile olğanından başqa türlü kösterile. Lâkin, milletlerara munasebetlernen bağlı vaziyetimiz daima yahşı edi. Qırım ile işbirlik tutmaqnen meraqlanğan er kesnen diplomatik yolnen bağlarnı qurmağa tırışamız. Resmiy diplomatiya çalışmağan yerde, eñ müim tek alet qala – halq diplomatiyası», – dep aytıla.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.