Qırım iş adamlarına «elâl» bank hızmetleri teklif etilecek

27.04.201716:20

Qırım ükümeti, yarımadada daa çoq musulmannıñ biznes ile oğraşmağa imkânı olsun dep, şaraitni qurmaq içün yollar qıdıra.

Planlaştırılğanına köre, müessise islâm qaidelerine uyğun şekilde çalışacaq. Meselâ, ödünç faizi qullanılmaycaq. Bunen beraber, alkogol mahsulatı istisalı, coşqun oyunlarnı teşkil etüv, elâl olmağan etni satuv ve diger islâmda yasaq etilgen ticaretnen bağlı saalarğa yatırımlar yapmaq yasaqtır.

«Bu yerde biznes islâm bankingi merkeziniñ meydanına esaslanacaq. Kiçik istisalcılarnı inkişaf ettirmek içün bütün imkânlarımız bar», – dep ayttı Qırım yolbaşçısınıñ mesleatçısı Ramil Ahmerov, qaysı biri Halqara islâm biznesi assotsiatsiyasınıñ Qırım ve Aqyardaki temsilciliginiñ müdiri ola.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET