Qırımtatar yaşları nadir şivelerniñ taşıyıcılarını qıdıra

27.04.201710:50

«Medeniy Qırım» taqımı qırımtatar tili luğatınen bağlı yapqan işi içün nadir (eski) luğatlar ya da kitaplarnı, bunen beraber, nadir şiveler ve sözler taşıyıcılarını qıdıra.

Faallerniñ sözlerine köre, şimdiki vaqıtta taqım bir çoq menbanen çalışa, bularnıñ arasında farqlı devir ve mevzularğa ait olğan luğatlar bar.

«Bu, em arbiy sözlük, em de XIX asırğa ait olğan sözlük ve ilâhre. Bu, büyük bir iştir, ve onı yapmaq içün yardımıñız kerek. Siziñ nadir (eski) luğat ya kitaplarıñız olsa, Siz, ana-babalarıñız, soy-sop ya da tanışlarıñız nadir şivelerniñ taşıyıcıları olsañız, biznen bağlanıñız! Tilimiz pek güzel ve zengindir, bunıñ içün, keliñiz, onıñ bugünki vaziyeti ve kelecegi içün beraber elimizden kelgenini yapayıq», – dep çağıra leyha iştirakçileri.

Malümat içün telefon nomerası: +79788623740

Elektron poçta adresi: sebya1997@mail.ru

Foto: İ. Gasprinskiy adına kitaphane

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET