Aqmescit (Simferopol) demiryol vokzalında yerleşken «Kurortnaya» avtobus stantsiyasında yollar tamir etilip başladı.
«Krımavtotrans» müessisesi matbuat hızmetiniñ bildirgenine köre, şimdiki vaqıtqa qadar birinci basamaq ömürge keçirildi – yoldaki çuqurlar terenligine qadar asfalt alındı. Avtostantsiya saat 22:00-ge qadar çalışqanı sebebinden tamir işleri gece yapıla. Planğa köre, «Kurortnaya» territoriyasında tamir işleri mayıs 1-ge qadar yekünlenecek, ve avtostantsiya gece-kündüz çalışıp başlaycaq.
Taşıyıcılar ve yolcular bir qaç kere Qırım Naqliye nazirligi ve «Krımavtotrans» müessisesine avtostantsiyadaki çuqurlarğa şikâyet etken edi. Müessiselerniñ mütehassısları ayta ki, yol bozulğanınıñ sebebi ayazlar ve çoqqa sürgen qış oldı.
İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
