Rusiye arbiy gemisine urulğan gemide bulunğan qoylarnıñ saibi qırımtatar kişi ola

29.04.201715:25

Bu künleri rusiyeli Qara deñiz flotunıñ «Liman» arbiy gemisinen çatışqan «Aşot-7» gemisinde bulunğan qoylarnıñ saibi Romaniya vatandaşı olğan qırımtatar Mahmud Karazi ola.

Mahmud Karazi ilân etti ki, Rusiye Federatsiyasına qarşı mahkemede iş açtıra. Türkiye taqiqat hızmetleriniñ fikrince, hususan Rusiye arbiy gemisi qaidelerni bozdı. Olarnıñ sayğanına köre, taqiqat eñ azdan 3 ay devam etecek, amma Rusiye Federatsiyasına qarşı mahkeme davasını endi açtırmaq mümkün.

Avdetniñ evel bildirgenine köre, aprel 27-de Qara deñizniñ cenüp-ğarbiy qısmında Qara deñiz Flotunıñ «Liman» tedqiqat gemisi «Aşot-7» gemisine urulıp, suvğa battı. Romaniyadan Urdunğa ketken «Aşot-7» gemisi qoylarnı taşığan edi. Gemide erkânnıñ 17 azası bar edi.

İçtimaiy ağlarda Facebook, Vkontakte, Odnoklassniki saifelerimizge, bunen beraber, Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция Avdet

Avdet gazetası