Booking.com resursı Qırımnı Ukrainanıñ bir qısmı olaraq belgileycek

02.05.201718:20

Turistler içün Booking.com felemenk servisi kene de Qırımnı Ukrainanıñ bir qısmı olaraq kösterecek.

Bu aqta servis Ukrainada teşkil etilgen Qırım prokuraturasına haber etti, dep bildirdi baş prokuror Yuriy Lutsenko Facebook saifesinde.

«Booking.com şirketi Qırım Muhtar Cumhuriyeti prokuraturasına bildirdi ki, o, alâqalı malümatnı tüzetti. Şimdi Booking.com saytında obyektniñ bulunğan yeri belgilengende, onıñ Ukraina devleti territoriyasında bulunğanı qayd etile», – dep yazdı Lutsenko.

Booking.com 2005 senesinden başlap çalışa. Servisniñ saibi amerikalı Priceline holdingi ola.

İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Author: Редакция Avdet

Avdet gazetası