Mayıs 2-de Bağçasaraydaki Han Çayır camisine cinayetçiler kirdi.
Belli olmağan şahıslar cami qapısını qırdı, binağa kirip, raflardan Quran nushalarını aldı, yırttı ve yaqmağa tırıştı.
Qırım müftiyatı matbuat hızmetiniñ bildirgenine köre, cinayetçiler, namazğa kelgen musulmanlarnı körip, yırtılğan saifelerni camide taşlap, qaçmağa yetiştirdi.
Musulmanlar yüz bergen vaqia aqqında yerli «Vatan» din cemiyetiniñ reisi Rustem Sadredinovğa haber etti. Qırım musulmanları diniy idaresi uquq qoruyıcı organları ve yerli ükümetke muracaat etti.
Politsiya hadimleri yüz bergen yerge rayon politsiya bölügi müdiriniñ yolbaşçılığında keldi. Vaqia boyunca cinaiy iş açıldı.
İçtimaiy ağlarda Facebook,Vkontakte,Odnoklassnikisaifelerimizge, bunen beraber,Telegramdakanalımızğa qoşulıñız ve eñ aktual ve meraqlı malümatlardan haberdar oluñız.
Foto: QMDİ
