«Eurovision» halqara yır yarışı keçirilecek vaqıtta Kiyevde Qırım künleriniñ teşkil etilüvi planlaştırıla.
Merasim «Vostok.Tsentr.Krım» taqımınıñ teşebbüsi ile ve Ukraina Malümat siyaseti nazirliginiñ destegi ile keçirilecek.
«Bu, sizni, Kiyev merkezinde bulunıp, Qırımğa keçirecek bir sıra merasilerdir. Qırım yarımadasınıñ tamır halqınıñ vatanına barmaq acetiñiz olmaz», — dep ayta teşkilâtçılar.
Qırım künleri merasiminde qırımtatar siyasetçileri, aktörları, çalğıcıları, ressamları ve yırcıları iştirak etecek. İşbu merasim Art Hub meydanında keçirilecek.
Avdetniñ evel bildirgenine köre, Kiyev, 2016 senesi Stokgolm şeerinde Jamala ğalebe qazanğan soñ, «Eurovision-2017» yarışını keçirmek aqqını aldı. Yarış finalı mayıs 13-te keçirilecektir.
İçtimaiy ağlarda Facebook, Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
