Rusiyeli mühbir Qırımdaki vaqialarnı aydınlatqanı içün prestij mukâfatnen taqdirlendi

03.05.201716:58

Radio Svobodanıñ rusiyeli muarririyeti mühbiri Anton Naumlük söz serbestligi saasında FrittOrd prestij norveg mukâfatını aldı.

Bu aqta mayıs 3-te ukrain uquq qoruyıcısı Tatyana Peçonçik Facebook saifesinde bildirdi.

«Naumlük «Qırımda insannıñ taqip etilüvi ve aq-uquqları bozuluvlarını aydınlatuv boyunca namuslı ve uzlaşmasız işi» içün mukâfatnen taqdirlendi», – dep yaza uquq qoruyıcı.

Naumlükniñ sözlerine köre, mühbirler Qırımda, bu, «bazı vaqıtları havflı, muarririyet içün pek paalı, ve maneviy taraftan boldurıcı» olğanına baqmadan, çalışmalı, dep bildire «Qırım.Aqiqat».

«Yerli mühbirlernen aman-aman körüşmegen edim. Kimseler pek siyrek mahkemelerge kele, amma qırımtatarlarnen bağlı mahkeme toplaşuvlarına iç kelmeyler. Mustaqil mühbirler yarımadağa kele, amma siyrek ve çoqqa degil. İçtimaiy ağlar esas aqiqiy malümat menbası oldı», – dep añlattı Naumlük.

İçtimaiy ağlarda Facebook,Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.

Фото аватара

Автор: Редакция Avdet

Редакция AVDET