Qırımda uquq qoruyıcı organları yarımada bankları biriniñ hadimini cinayet yapqanında, paranı hırsızlap özüne alğanında şeklene.
Bu aqta İçki işler nazirliginiñ matbuat hızmeti bildire.
«2014 senesi mayıs ayından başlap, 2016 senesi avgust ayına qadar qadın cumhuriyetniñ bank müessiseleri biriniñ bölüginde çalışa edi. Hızmet vaziyetinden faydalanıp, o, şahıslaştırılmağan bank kartlarını yapıp, soñra olarnı özüne alğan edi. Bundan soñ paranı bankomatlardan ala edi», – dep añlattılar müessisede.
Bank memuriyeti bunı bilgen soñ, qadın işten çıqarıldı.
Umumen olaraq, o, 2 500 000 ruble zarar ketirdi.
Şimdiki vaqıtta Qırım sakini çıqmama şartı astında buluna.
Bank müşterilerge zararnı tolusınen ödedi. Cinaiy işler açıldı. Sabıq bank hadimi altı yılğa qadar apiske qapatıla bile.
İçtimaiy ağlarda Facebook,Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
