Mayıs 5-te Ukrainanıñ baş ava limanı «Eurovision-2017» finalına bağışlanğan muzıkalı bayramnı teşkil etecek.
«Kiyevde yarışnı keçirmek imkânı yırcı Jamalanıñ 2016 senesi ğalebe qazanğanından soñ peyda olğanı içün, merasim qırımtatar medeniyetine bağışlana», — dep aytıla ava limanı matbuat hızmetiniñ beyanatında.
Musafirlerni kontsert programması, master-klasslar ve qırımtatar ziyafetleri bekley. Bunen beraber, teşkilâtçılar sürpriz azırlay.
Kontsert meydançığı doquzıncı qapı yanındaki beklev zalında teşkil etilecek. Merasim saat 17:30-da başlanacaq.
Avdetniñ evel bildirgenine köre, «Eurovision» halqara yır yarışı keçirilecek vaqıtta Kiyevde Qırım künleriniñ teşkil etilüvi planlaştırıla. Merasim «Vostok.Tsentr.Krım» taqımınıñ teşebbüsi ile ve Ukraina Malümat siyaseti nazirliginiñ destegi ile keçirilecek.
İçtimaiy ağlarda Facebook,Vkontakte,Odnoklassniki saifelerimizge, bunen beraber,Telegramda kanalımızğa qoşulıñız ve eñ aktual ve meraqlı malümatlardan haberdar oluñız.
